Gioia Charcoal Grill & Oyster Bar (Closed)

堅尼地城唔少酒吧心儀已久，今次同朋友約左去Gioia Charcoal Grill & Oyster Bar。淨聽個名，就知道出名「Oyster」同「Bar」，果然冇令我失望。入到去見到法國生蠔做特價，即時眼前一亮，十蚊一隻，太抵啦！我地迫不及待叫左6隻，非常肥美，冇將價就貨，仍然好高質素，入口鮮味可口，大大件，送酒一流。周打雞湯，色澤明亮，每一口都好厚質感，充滿雞芳香同忌廉，一試就知道要好花功夫去煮。食完海鮮同湯，到主菜啦，炭燒虎蝦闊麵配茄汁。份量十足，闊條麵每條均勻掛上醬汁，炒得好好，虎蝦亦非常新鮮，好彈牙。整體味道濃郁，滋味於舌尖上悠久唔散。最後以兩杯酒做完美句點。Gioia氣氛唔錯，無論係酒、海鮮、主菜都令人相當驚喜，性價比算高，氛圍適合三五好友一齊去，或者拍拖場所，食物又令人滿意，推介比大家！