LAB EAT Restaurant & Bar (金巴利道)

Open Now

Now Closed

頭盤生蠔生蠔嘅size都幾大，入口嫩滑，雖然海水味突出，但仍然遮蓋唔到呢隻生蠔本身嘅鮮甜味。西班牙火腿流心芝士番茄沙律呢款流心芝士幾特別，芝味是淡淡的，而質感就好似一條脆皮芝士腸咁，有薄脆嘅皮，一切開就有芝士流出；而濃味嘅西班牙火腿配埋淡味嘅芝士，一濃一淡，的確係非常好嘅配搭。伴碟嘅小蕃茄都好新鮮爽口，係一碟幾令人開胃嘅菜。香煎鱸魚配檸檬牛油汁魚肉質感非常之滑，零腥味，薄薄嘅魚皮煎香左之後帶點香脆，再加埋個汁有d檸檬味，好fresh，鍾意食魚嘅人不妨點呢個菜式試吓。雲呢拿雪糕配天然蜂巢雲呢拿雪糕好重奶味，非常香滑; 蜂巢甜度雖然比較高，但入口有一種潤喉嘅感覺，唔錯。