滿屋日本料理 (Closed)

忙完一個星期，終於可以同frd子食放題叉叉電😚今次去左銅鑼灣滿屋放題，一早book左位，未齊人都可以入去食住野先，正啊！野食紙竟然係彩印，雖然做唔到環保小先鋒😂，但係可以有食物嘅相參考下都唔錯呢👻食物選擇十分多，其中有啲幾特別！食物方面，魚生刺生都好新鮮，大家一齊怒食甜蝦好滿足 encore左兩次！！！炸物都唔錯，外脆內軟，仲有流心芝士woohoo🧀～ 燒物都好味啊 特別推介燒牛柳粒🤤 我地仲可以行出去拎沙津同前菜，好驚喜呢度有醉雞同泰式鳯爪，味道都幾好！最後甜品可以揀一杯雪糕🍦推介movenpick嘅奶凍味雪糕同哈根大師嘅奶茶味雪糕😆 特別要讚嘅係夠鐘之後都無趕我地走，比我地繼續坐低傾下計💕今晚大滿足呢😋