入坐前店員就問我哋揀咩湯底，門外海報上已經寫明呢度咁多款湯底都係每日新鮮熬煮， 絕不加色粉，仲建議顧客「滾起先飲啖湯，後加湯打邊爐」，於是我哋決定要石橄欖五指毛桃雞湯。
湯底用優質老雞慢火熬製，加入石橄欖清熱解毒、五指毛桃補肺養顏，配料仲有紅棗、淮山等中藥材，湯色金黃清澈，入口鮮甜微甘無油膩，雞肉嫩滑入味，喝落暖胃潤喉，特別適合秋冬保養。
主打就係要食日本黑毛和牛A4+！A4和牛油脂分布平均，重要入口即溶，正！
我哋掃二維碼仲可以叫其他打邊爐食材，自助區都有好多丸類、蔬菜、小食及飲品，比較特別嘅有茶酒及生啤任飲，CP值很高！
