孖寶車仔麵

Open Now

Now Closed

位於葵廣G/F的麵店，鋪面都好大橫跨幾個店鋪而且平日6:00已經都坐得好滿。見到有獨客、有幾個朋友、亦有一家大細圍埋食，有大枱可以坐到六七個人。食物方面叫咗孖寶招牌麵$50配凍檸茶(+$11)。凍檸茶茶底都香濃，走甜都有吾會苦。而孖寶招牌麵都好足料，有滷水豬大腸、滷水雞翼、陳皮魚蛋、豬紅、蘿蔔、彈牙豬皮，揀左手打麵底好感就似烏冬。最有驚喜係魚蛋的陳皮味好香👍🏼蘿蔔都好鮮甜，而且配埋枱上嘅菜脯令口感更豐富，有辣有吾辣。