陳儀興飯店 (崇齡街)

Open Now

Now Closed

喺新蒲崗搵外賣加餸，經過陳儀興見到啱啱開11點，又係老字號，所以同區雖然有其他選擇，都二話不說幫襯呢間，買外賣滷水鵝翼、鵝掌、鵝腸、豆腐；見到冇掛滷水墨魚，諗住啱啱開工可能未掛出嚟，所以就多口問一句有冇滷水墨魚，店員話有，$16一兩就要咗四両；見到斬料阿叔就喺櫃檯底攞個飯盒出嚟，揭開夾啲已經切好嘅滷水墨魚再攞去磅，心想已經不妙，回家後發覺滷水墨魚口感怪怪、「淋」過豆腐又冇味，大家都唔敢再食。其他食品都冇問題，但係就係因為呢個滷水墨魚令我失信心，希望老字號勿因小失大，損失支持者。