馬祖 (將軍澳廣場) (Closed)

剛剛病好，清啖左成個星期，好想食野，就走左去將軍澳廣場～馬祖～食放題。呢度有六個餐選擇，我地揀左中等價位既美國Prime Grade 極上牛頸脊x 西班牙伊比利亞黑毛豬套餐。夠多款湯底揀，有我最愛既爆漿熔岩芫茜湯底，勁濃芫茜香。 藥膳椰子清雞湯，椰香十足，幾清甜。4款肉👉Prime Grade極上牛頸脊同牛肩胛肉、伊比利亞黑毛豬、西班牙無激素豬肉片。我最鐘意牛頸脊🐂，肉質嫩肉味濃。多款邊爐配料自助區，鐘意沙茶牛肉、魚腐、 魷魚羹、台灣腸、爆汁牛丸，蔬菜類仲有我最鍾意食嘅皇帝菜👍👍。真係有好多款野飲揀，其他客行過都話”嘩飲品都幾多嘢款“，深表認同。甜品區都唔少款，仲有movenpick 雪糕食，同有款海鹽味都無得頂。🤤食完呢餐補返哂能量啦。