Shine (Closed)

今晚，走到I square附近搵食，位於太子中心的樓上餐廳，很滿意的一餐。Menu有湯品、前菜、主菜、甜品及飲品，食物是以散叫形式。我本身好鍾意飲湯，今日是日餐湯係蕃茄湯，湯質地杰身，每一啖都好足料，蕃茄味道帶酸令人相當醒胃。飲完湯就食呢個「四式芝士南瓜意大利飯 $138」是素食的意大利飯，沒有肉類，有洋蔥粒及南瓜，味道是意料之外咁好食，入口非常香濃芝士味，意大利飯芝士多到有拉絲效果，好難得，個汁好creamy，好喜歡意大利飯個口感，特別推介！（建議share)如果鍾意食牛呢個一樣唔可以錯過「燒安格斯肉眼扒 （10安士）配紅酒汁 $308」，肉眼扒燒得好香，肉味濃郁，火喉控制好好，牛扒富肉汁，帶油脂香，好正！配菜是串茄 好甜又多汁，無論賣相同味道都一樣好滿意。