龍圖閣海鮮飯店

Open Now

Now Closed

今晚同屋企人去到尖沙咀食飯。餐廳用屏風間開，座位寬敞。🌸話梅涼瓜很少見到用涼瓜做小食，涼瓜爽脆，話梅汁的甜味中和涼瓜的味道。🌸鐵板沙薑雞上枱時噴曬煙，熱辣辣，沙薑味很香濃。平時食沙薑雞，有時會覺得過鹹，但呢個雞冇過鹹，味道適中，雞肉即使焗過皮都仲香脆，肉質彈牙唔乾身。🌸百花馬友鹹魚蝦膠煎肉餅肉餅薄身脆口，但材料豐富，有鹹魚的鹹香、豬肉粒唔膩口和蝦膠唔鬆散。🌸鮮淮山百合炒勝瓜淮山爽口唔會黏口，百合脆口微甜，勝瓜爽脆鮮甜，仲有紅黃椒點綴。🌸香煎琵琶豆腐豆腐炸至金黃色，外脆內有薄薄的豆腐和蝦膠，口感軟腍。最後食埋南瓜西米露，質地雖然稀，但係南瓜味極濃，西米軟身。