Video
Read full review
2023-10-14
1458 views
同個老友約食飯，約咗幾次都唔成事，卒之約到今晚出嚟聚一聚，食乜嘢菜就由我揀，但喺地點嘅盡量就到大家，旺角咁中間點就最好啦，因為大家都好耐無食過韓國菜，近排又睇咗幾套好睇嘅韓劇，撩起食韓國菜嘅心癮，所以，揀咗嚟「女人街」嘅「韓川」。 一入門口，闢咗一角有個大梳化區，可以坐得比較多人，坐密少少十個以內都夠坐。 再走入少少嘅，就有好多2或4人枱，拼埋坐6個都得。店內環境裝修帶點工業風，配以深木色系枱櫈，燈光稍稍昏暗，令整體嚟講蠻有氣氛。 睇得多韓劇都知，啲餐廳一定供應凍水，佢哋唔興俾熱水，所以，見到枱面已備有一大樽凍水，仲有餐具、韓底甜辣醬，以及奉送嘅韓式前菜：醃蘿蔔同韓式泡菜。 食物選擇方面、有多種韓式串燒、炸雞、韓式芝士系列、石頭鍋飯、泡菜火鍋……等等。晌牆上仲有個推廣，羊肉串只賣$1 / 串，羊肉就啱晒我啦，正價要$18串，仲唔見佢話限叫幾多，不過要9:30pm後，今次坐唔到咁耐，下次真喺考慮晏啲先嚟。 但喺，諗食乜嘅時候，店員就推薦佢哋嘅「精選二人獨餐」，包一份精選海鮮、一份菜包燒肉、一份小食、一份主食、兩款飲品，定價都喺$398，計落認真抵呀，但需留意部份菜式或飲品需加錢架！此外，
一入門口，闢咗一角有個大梳化區，可以坐得比較多人，坐密少少十個以內都夠坐。
再走入少少嘅，就有好多2或4人枱，拼埋坐6個都得。店內環境裝修帶點工業風，配以深木色系枱櫈，燈光稍稍昏暗，令整體嚟講蠻有氣氛。
睇得多韓劇都知，啲餐廳一定供應凍水，佢哋唔興俾熱水，所以，見到枱面已備有一大樽凍水，仲有餐具、韓底甜辣醬，以及奉送嘅韓式前菜：醃蘿蔔同韓式泡菜。
食物選擇方面、有多種韓式串燒、炸雞、韓式芝士系列、石頭鍋飯、泡菜火鍋……等等。
晌牆上仲有個推廣，羊肉串只賣$1 / 串，羊肉就啱晒我啦，正價要$18串，仲唔見佢話限叫幾多，不過要9:30pm後，今次坐唔到咁耐，下次真喺考慮晏啲先嚟。
但喺，諗食乜嘅時候，店員就推薦佢哋嘅「精選二人獨餐」，包一份精選海鮮、一份菜包燒肉、一份小食、一份主食、兩款飲品，定價都喺$398，計落認真抵呀，但需留意部份菜式或飲品需加錢架！此外，仲可以額外追加生蠔，有平有貴，我哋平平哋試咗時令嘅一款。
都喺好似時下嘅餐廳咁，用二維碼落單，自己慢慢撳，搞唔掂可以搵店員幫手。
精選時令生蠔 $128雖然啲生蠔睇落唔喺好大隻，不過，外觀就幾靚仔，望上去好有光澤，唧啲檸汁，再加上雞尾醬，蠔肉好鮮甜，海水味唔會太重，所以，唔會太鹹，肉質帶點爽脆感，確喺夠時令。
韓國Demisoda有汽特飲（蜜桃味、香葡萄味）其實都無特別喜好，只喺隨意揀，呢個牌子未飲過，只喺小弟想飲蜜桃味，而老友想試白葡萄味而已。隻梳打又幾好飲，口感清爽，桃味清香，襯晒一陣啲餃子同五花腩呀！
真露焗蜆精選海鮮揀咗真露煮蜆，估唔到咁大碟，仲要喺隻隻蜆睇都睇到喺漲卜卜，好有肉地，食落唔止鮮甜，確喺厚肉，仲有微微酒香同蒜香味，加上食落一啲沙都無。而底下墊有大量韓國粉絲，煮得口感啱啱好，仲吸滿由蜆肉滲出嘅汁，味道唔寡。
真露焗蜆
8 views
0 likes
0 comments
韓式炸餃拼盤 +$20小食就梗喺揀呢個啦，加多$20都抵啦，多兩件之餘，仲可以一次試到3樣嘢：泡菜餃（有摺紋嗰款）、粉絲餃（直身長形嗰款）、雞皮餃（細細隻欖形嗰款）。炸得金黃，入口又唔太油，咬落脆卜卜，3款餡唔同，食味明顯有分別，最鍾意都喺泡菜餃子，惹味啲。
韓式炸餃拼盤
4 views
0 likes
0 comments
韓川菜包五花腩一份五花腩有成3大件，好有睇頭，睇落亦唔喺好肥，燒得甘香，仲灑滿秘製調味粉，睇見都流口水，仲配咗烤肉汁、洋蔥、蒜片同芥辣。先剪成細細塊，方便大家夾嚟食。
韓川菜包五花腩
3 views
0 likes
0 comments
再嚟就當然夾埋啲洋蔥、蒜片，沾上汁醬，再以一大片生菜包住嚟食，咁樣食法更去油膩感，喺另一番韓式地道風味。
溫泉蛋虎蝦芝士湯烏冬 +$20套餐仲包一客主食，所以，肯定食得你飽飽。以石鍋上，自然可以更加保溫，大大隻虎有眼你睇，童叟無欺，再伴以一隻溫泉蛋，賣相絕對唔失禮。
溫泉蛋虎蝦芝士湯烏冬
72 views
0 likes
0 comments
喺食個生蠔先令成餐飯貴咗一截，否則單單點呢個二人餐，性價比堅喺相當高，其實，個餐真喺好豐富。有段小插曲，其實我哋嘅小食喺嚟漏咗，追追之下好快就整到俾我哋，但店員太有禮貌，前前後後對我哋講咗6、7次唔好意思，搞到我真喺唔好意思，其實對我嚟講好小事，反正今晚唔趕，同老友預晒時間慢慢食。
Post
