花見日本料理 (Moved) New Location

今日去銅鑼灣食日本菜，喜歡這間花見，正宗日本料理，叫店員介紹，佢提議佢發板，即omakase, 正呀！即當日廚師覺得最新鮮的食材。先黎前菜，的骰蟹棒蛋捲，鮮蟹肉味。頭盤有新鮮蕃茄配麻醬沙律，爽口，酸酸地好開胃，還有薄如透明既池魚刺身，夾起光影魚般，店員話逐片點醋食又得，兩正三片捲起食都好味，淡淡的魚鮮味，完全唔腥，但肉質份外彈牙。之後見到呢碗菜色有啲驚訝，原來係鱈魚魚子，好似豬潤般既口感，淋淋地，略帶魚腥味。主打刺身盛宴，四款新鮮厚切魚生，最愛拖羅同牡丹蝦，好大隻，滿足我呢個蝦痴。好特別呢道連皮燒既魚塊，成塊連魚皮都可以食，非常脆口，雪白的魚肉，肉質結實，旁邊還有燒白果。還有這個溫暖住家菜，話呢道菜係一般家常湯，好溫暖既感覺，湯味超清甜，好有海鮮甜味。驚還未飽，再叫了牛肉手打烏冬，烏冬彈牙，牛肉香滑。最尾有即製甜品，紫薯雪糕同新鮮原個切開的紫薯再加糖醃製的紫薯，三種口味一次過嚐盡，非常有心機的特色甜品，一讚。埋單每人$800@，都唔算貴，最好的感受係店員周到的招呼及介紹，有如家的感覺，暖在心頭的一餐。