風雲丸 (Closed)

其實一直都好想黎試的，但奈何永遠經過都見到好長龍就果斷放棄，難得今日無咩人排隊，終於可以試了。餐廳内部同其他日式餐廳差不多， 枱面有教授沾麵既食法，就算初次黎食都唔怕。枱既前方仲見到有不同份量既麵可以選擇，要去到800g先要收錢，大食既我當然係揀400g啦。麵條仲有得揀暖定凍，正宗食法係凍既，但個湯好快就會凍，所以今次就決定試下暖既。豚骨魚介沾麵，湯底都算濃稠，豚骨味道濃郁。麵條好彩揀左400g，個人覺得係無400g，因爲食完都只係剛剛好。麵條係暖既關係，所以係無咁彈牙，較軟身。不過好處係個湯食到差不多最後先凍，凍左既湯底真係差好遠。另外仲叫左一客辛口沙拉燒餃子，一擺落口辣味已經衝晒出黎，好彩有d沙律醬中和返個辣度，不過我覺得依然好辣。整體都好食既，但餃子略嫌多油。最近睇到個知名食評Youtuber評價呢間餐廳，先喚起我對呢間餐廳既記憶，但其實我食完又唔覺得係差到咁。