Video
Read full review
2018-11-04
603 views
如果大家有睇過周星馳嘅電影《食神》，相信一定會記得套戲入面嗰碗「黯然銷魂飯」。據說呢碗被捧為美食之最的叉燒煎蛋飯，不但選料講究，而且神級美味，吃罷會令人感動落淚。其實近年坊間都有不少食肆，推出自家版本嘅「黯然銷魂飯」，而且各擅勝場。早前從媒體報導得知，炮台山新開咗間「CHOP CHOP 食神叉燒」，餐廳搵咗當年創作出「黯然銷魂飯」的戴龍師傅做顧問，將呢碗經典嘅叉燒煎蛋飯重現眼前。據悉戴師傅有四十多年入廚經驗，被稱為香港四大名廚之一，所以對店裡嘅食物充滿期待！餐廳位於炮台山宏安道，門面非常搶眼，門口裝咗舊式鐵閘，中間掛有一個巨型的「食神叉燒」霓虹燈招牌，極其奪目。踏進內，裝潢帶點茶檔格局，座位以長檯及摺櫈為主，配以舊式唐樓燒味舖常見的水磨石地磚，彷彿把客人帶回舊日的香港。餐牌一版過，全部已經掛曬喺牆身上面，食物一目了然。時間啱啱好，叉燒剛出爐，既然一心嚟食叉燒煎蛋飯，就先每人點一客食神 黯然銷魂飯+湯 ($80x2) 試試。銷魂飯用雞公碗盛載，再以木托盤呈上，飯面鋪咗叉燒、雞蛋同菜心，旁邊配有一碗老火湯和醬汁。是日老火湯係金銀菜湯，入口暖笠笠，味道清潤，應該無加味精，飲後不覺口渴。叉燒
早前從媒體報導得知，炮台山新開咗間「CHOP CHOP 食神叉燒」，餐廳搵咗當年創作出「黯然銷魂飯」的戴龍師傅做顧問，將呢碗經典嘅叉燒煎蛋飯重現眼前。據悉戴師傅有四十多年入廚經驗，被稱為香港四大名廚之一，所以對店裡嘅食物充滿期待！
餐廳位於炮台山宏安道，門面非常搶眼，門口裝咗舊式鐵閘，中間掛有一個巨型的「食神叉燒」霓虹燈招牌，極其奪目。踏進內，裝潢帶點茶檔格局，座位以長檯及摺櫈為主，配以舊式唐樓燒味舖常見的水磨石地磚，彷彿把客人帶回舊日的香港。
餐牌一版過，全部已經掛曬喺牆身上面，食物一目了然。時間啱啱好，叉燒剛出爐，既然一心嚟食叉燒煎蛋飯，就先每人點一客食神 黯然銷魂飯+湯 ($80x2) 試試。銷魂飯用雞公碗盛載，再以木托盤呈上，飯面鋪咗叉燒、雞蛋同菜心，旁邊配有一碗老火湯和醬汁。是日老火湯係金銀菜湯，入口暖笠笠，味道清潤，應該無加味精，飲後不覺口渴。
叉燒用上新鮮梅頭肉，並以玫瑰露酒醃製，完全無加色素，再用醬料和焦糖上色，然後烤至焦香，賣相誘人。挾起一件試試，入口肥瘦適中，肉質鬆化，而且最正就係連邊位都燒得均勻焦香，絕非街邊貨色可比。
煎蛋雖然唔算好大隻，但都幾有睇頭，用上本地初生蛋，蛋黃粘稠味濃，入口不膩，用來拌飯吃一流！米飯煮得粒粒分明，外韌內軟，食落有咬口之餘仲有飯香，加埋蛋黃同拌飯的醬汁一起吃，的確銷魂，真係好味到食唔停口。
燒味飯送熱飲，不過如果想轉湯就要另 +$8、凍飲 +$5、而特飲就 +$10。點了懷舊冰室特飲：鹹檸七 ($10) 同鹹檸樂 ($10) 各一，杯內放有原個鹹檸檬，把檸檬篤爛再倒入附上的支裝汽水，味道鹹酸醒胃，冰涼透心，正！
叉燒真心唔錯，唔知店裡的其他燒味，味道又如何呢？反正一場嚟到，就再多點一客脆皮燒腩 ($98) 品嘗。燒腩肥瘦均稱，層層相間，咬落有肉汁、有豬肉味兼有陣陣炭火香！肉質夠腍又有嚼勁，即使放涼咗，燒腩外皮仍然好脆！
臨走時見餐廳已經坐滿食客，非常旺場，如果唔想排隊，真係要早啲到，又或者可以考慮外賣。
Post
