高街麵霸 (Closed)

西環真係好多野食，平既貴既都有，男話唔知食咩，有無攪錯，你主場唔知食咩都講得出，好耐無去高街果邊行下，睇下有咩想食啦，今日天氣唔熱，散住步上山都幾爽下，本身想想去食台灣野，點知又係排長龍，真係幾長下，今次係我叫唔好排，“高街麵霸"乾淨企理，價錢又唔貴，可以試下1，麻辣牛腩撈粗~ 辣度可以同老闆講，牛腩好入味同稔，個湯唔係味精水，唯一挑既個麵揚得唔夠2，海胆丸/蘿蔔/大腸車仔麵（油麵）~ 蘿蔔好稔同甜，唔係落糖既甜，係天然甜，大腸鹵得入味，但唔係死咸，海胆丸交返黎既野下次唔叫，個麵都係揚得唔夠3，鹵水牛筋~係推介之一，更係要試下，個鹵水汁同大腸果隻又唔同，夠稔感覺充滿骨膠原，但唔會黏口糊口