Wai Kee Noodle Cafe

香港地嘅茶餐廳係旺區其實已經做到每條街口基本上都會有一間，點先可以突圍而出？其實好簡單、就係用心做好基本功。

維記出哂名嘅豬潤牛麵已經做到街知巷聞出品十年如一日，記得第一次幫襯已經係15年前嘅事。。。

～ 牛肉米

牛肉米

$32

先呷一啖湯，味帶鮮牛肉嘅清香味，加上用小小老薑再用大火滾起，熱辣辣飲完即刻由頭暖到落個胃，成個人醒哂，做早餐一流，其實好味嘅東西唔需要太花巧、簡簡單單足料用心做就可以了！牛肉入口嫩滑冇渣，好快就成碗連湯清哂！

～ 豬潤麵

豬潤麵

$32

呢個配搭又係好正，豬潤生熟度做到剛剛好，足見師傅嘅功力同火喉控制。豬潤薄切無渣、又係好快就成碗連湯清哂！


～ 餐蛋麵

餐蛋麵

$35

係、嚟維記食餐蛋麵直係有小小無言嘅感覺、不過同行家人嘅個人選擇要尊重。。。


支持小店！