Video
Read full review
2018-01-24
195 views
前段時間聖誕節我台灣Fd黎香港玩，Fd話黎到香港最想食就係燒味Wor！喂！燒味緊係黎我地頭食啦。咁啱沙田有間都好出名—叉燒大王，次次經過都見到勁多人排隊，通常排隊既食肆就唔會伏，就決定係呢度解決佢地係香港既第一餐。不過呢日黎得早，六點幾都未算係特別多人。呢度最出名既就係燒味飯，招牌叉燒飯包野飲都只係$42蚊，如果自己一個毒毒黎食我就一定碟頭飯搞掂，宜家同Fd黎就都係叫餸啦。除左燒味，呢度都有其他野可以揀。黎叉燒大王都係為左佢既叉燒姐，蜜汁叉燒王例牌($88)，自稱為王的叉燒確實名不虛傳，非常Juicy，肥而不膩。叉燒邊微燶唔會焦黑，脆得黎而D肉好鬆軟，咬落去有陣陣蜜味。黎沙田又可點可以唔食乳鴿呢？脆皮沙田乳鴿一隻58蚊，雖然話係乳鴿但係都幾大隻，所以肉質有一dd鞋，但係味道係OK既，皮好脆，一咬落去「嗦嗦」聲。D肉越嚼越有味道，骨頭連住肉一齊嚼好香。椒鹽四季豆，唔可以完全食肉既，點都要黎D綠色植物點綴下，四季豆炸得好香，索左肉粒既味道，送飯一流。砂鍋貴妃雞粥（$82）好大一煲，粥底比較稀，但都好香滑綿密，雞肉都算滑，味道清甜。脆皮炸大腸，呢道完全係功夫菜，豬大腸洗得好乾淨，唔會有怪味，
不過呢日黎得早，六點幾都未算係特別多人。
呢度最出名既就係燒味飯，招牌叉燒飯包野飲都只係$42蚊，如果自己一個毒毒黎食我就一定碟頭飯搞掂，宜家同Fd黎就都係叫餸啦。
除左燒味，呢度都有其他野可以揀。
黎叉燒大王都係為左佢既叉燒姐，蜜汁叉燒王例牌($88)，自稱為王的叉燒確實名不虛傳，非常Juicy，肥而不膩。叉燒邊微燶唔會焦黑，脆得黎而D肉好鬆軟，咬落去有陣陣蜜味。
黎沙田又可點可以唔食乳鴿呢？脆皮沙田乳鴿一隻58蚊，雖然話係乳鴿但係都幾大隻，所以肉質有一dd鞋，但係味道係OK既，皮好脆，一咬落去「嗦嗦」聲。D肉越嚼越有味道，骨頭連住肉一齊嚼好香。
椒鹽四季豆，唔可以完全食肉既，點都要黎D綠色植物點綴下，四季豆炸得好香，索左肉粒既味道，送飯一流。
砂鍋貴妃雞粥（$82）好大一煲，粥底比較稀，但都好香滑綿密，雞肉都算滑，味道清甜。
脆皮炸大腸，呢道完全係功夫菜，豬大腸洗得好乾淨，唔會有怪味，經過油炸後豬場入面D脂肪同肥膏都消失曬，味道濃郁香脆可口。食完之後用隔離既菠蘿片清清口。
食完呢餐之後，港式燒味完全為香港增光，台灣Fd滿意到不得了，之後幾日都係咁話仲想食叉燒，所以我決定之後有外地Fd黎都要帶佢哋黎呢間。
Post
