香港永年車仔麵茶冰廳

Open Now

Now Closed

🌻慢煮鐵板二人餐 / $398+10%包沙律/餐湯，鐵板主食，小食，飲品，每樣自選兩份🌻美國封門柳 同 紐西蘭肉眼排兩款都口感細嫩又多肉汁，咬落無筋，生熟程控制得好好，唔會過熟👍🏻尤以封門柳肉質最出色。醬汁是扒房牛扒的成功關鍵之一，叫左永年辣汁，都幾辣幾過癮，佢係車仔麪既靈魂所在，但又能夠提升牛肉的口感和風味🌻雞扒鹹魚凱撒沙律用鹹魚取代煙肉雞扒粒好特別，鹹香味重，但係沙律醬落少啲感覺會清爽啲🌻砵酒燴牛尾好濃既砵酒/ 紅酒味，又有蕃茄味，肉炆得好鬆化，雖然係牛尾但一啲膻味都無，仲有西芹未致於炆到淋晒，反而仲鍾意🌻永年三寶真正車仔餸，蘿白無渣，唔係落左糖既假清甜👍🏻；豬皮入味但仲有少許爽口，係我最鍾意嘅口感；仲有難得有「真」陳皮魚蛋，放左少許湯汁入去，完全係我細個食車仔麵個陣味👍🏻🌻牛油果薯仔蝦沙律牛油果好新鮮，但未係全熟，不過配薯仔粒同兩粒大大隻嘅蝦沙律，好難抗拒🌻芝士肉醬焗薯皮芝士唔算好多，但肉醬加薯蓉混和茄汁，味道又係似曾相識，好食👍🏻🌻涼粉奶茶 奶茶茶味較出，最怕一味奶味既奶茶，加埋涼粉條成杯好消暑其實食港式傳統鋸扒餐，唔使成日去金X，花X餐廳或者大X樂/活，不妨試吓永年，依個價錢