入到去見到天花板全部用草圍住，餐枱同埋燈用咗木系令到成個感覺置身於大自然中🌿令人感覺好舒適，除咗室內嘅位置，仲有室外，枱與枱之間都坐得好闊落！我哋當晚都見到唔少人飲緊cocktails ，啱晒放工坐喺度飲返一兩杯chill下⭐️ 仲有放假嘅時候可以帶埋狗狗一齊過嚟！🐶
香辣蒜蝦
鮮蝦彈牙爽口，醬汁味道香辣惹味
炸魷魚圈🦑
魷魚圈份量唔少，炸得夠脆身，旁邊有個帶辣嘅蛋黃醬，用嚟送酒就一流！
香茅豬扒
豬扒厚身夠大塊，肉質仲十分鬆軟，加埋佢哋秘製豬扒嘅醬汁，有香茅味再帶酸酸辣辣，有意外驚喜！
Pad Thai
食泰國嘢梗係要試吓泰式炒金邊粉！呢度係我鍾意既金邊粉炒法😋 帶少少濕唔會太乾，而金邊粉質地煙韌，仲有差唔多五至六隻大蝦🍤
泰式炒通菜
上菜聞到陣陣香味，食落夠晒鑊氣
芒果糯米飯 🥭
最後當然唔少得食埋芒果糯米飯作結😇 糯米飯有兩個唔同顏色白色同埋紫色，煮得夠黏身！芒果用咗水仙芒，夠甜！
1
