船渦

Open Now

Now Closed

港島朋友晏收工，約佢係銅鑼灣食一人一個蒸氣火鍋，去到又冇想像中貴，因為本身食海鮮都預左唔平，但起碼夠乾淨！我地嗌左個九品芝麻同八府巡按share 食，人均$400內，冇限時，幾岩幾個朋友吹水吹一晚😁張枱貼左每一款海鮮大約需要蒸幾耐，亦有設時間制比我地跟返個時間去較鬧鐘，都冇特別需要職員幫手，但佢地都好勤力收碗碟👍佢有前菜、炸物、海鮮、丸類同甜品，我地先蒸晒啲海鮮，最後打邊爐咁煮牛肉、丸類加菜。海鮮好新鮮，白蜆食得出有海水味好鮮甜，建議時間都非常準確，唔會煮得老左，下次應該會試最貴個餐！