Video
Read full review
2018-10-28
176 views
呢日去到尖沙咀買咖啡豆， 買完都差唔多成七點幾，都有啲肚餓，但係又唔想食啲太滯嘅嘢，食素都係一個唔錯嘅選擇。寶勒巷附近都有幾多嘢食，掙扎咗一陣決定上去萬事昌廣場試下食印度嘢。 一入到去都幾乾淨企理， 而且周圍都擺滿好多印度風格既擺設，非常colorful， 睇落已經好開心。座位都算闊落，而且檯與檯之間有一定嘅距離，可以好好同朋友傾計。地方都幾大，而且唔會好嘈，氣氛都幾舒服。食物嘅選擇同款式都好多，貼心嘅係佢會分開咗英文同中文menu，可以畀我呢啲唔係好識嗌印度菜嘅香港人，都可以好易理解。佢會用細字喺菜名下面講解，每道菜式入面有啲咩食材。食之前店員仲好貼心咁送上醬汁，而且仲介紹邊樣係咩味， 綠色嘅係香辣汁， 深啡色嘅係酸酸甜甜，另一個就係甜甜辣辣。Marsala papad其實係用想少少嘅辣椒粉再加埋洋蔥番茄芫茜切粒，配上脆餅， 食落好香口，而且辣辣地好開胃。Bombay bhel puri呢一個係傳統嘅印度街頭小食，用上唔同嘅蔬菜， 例如番茄、青椒、洋蔥、香草、茴香籽撈埋脆米，加上少少酸酸地既醬汁， 但係就唔辣，比較清新。 最特別嘅係擺咗係一架單車仔上面， 非常吸引，忍唔住影相。Do
寶勒巷附近都有幾多嘢食，掙扎咗一陣決定上去萬事昌廣場試下食印度嘢。 一入到去都幾乾淨企理， 而且周圍都擺滿好多印度風格既擺設，非常colorful， 睇落已經好開心。
座位都算闊落，而且檯與檯之間有一定嘅距離，可以好好同朋友傾計。
地方都幾大，而且唔會好嘈，氣氛都幾舒服。
食物嘅選擇同款式都好多，貼心嘅係佢會分開咗英文同中文menu，可以畀我呢啲唔係好識嗌印度菜嘅香港人，都可以好易理解。
佢會用細字喺菜名下面講解，每道菜式入面有啲咩食材。
食之前店員仲好貼心咁送上醬汁，而且仲介紹邊樣係咩味， 綠色嘅係香辣汁， 深啡色嘅係酸酸甜甜，另一個就係甜甜辣辣。
Marsala papad
其實係用想少少嘅辣椒粉再加埋洋蔥番茄芫茜切粒，配上脆餅， 食落好香口，而且辣辣地好開胃。
Bombay bhel puri
呢一個係傳統嘅印度街頭小食，用上唔同嘅蔬菜， 例如番茄、青椒、洋蔥、香草、茴香籽撈埋脆米，加上少少酸酸地既醬汁， 但係就唔辣，比較清新。
最特別嘅係擺咗係一架單車仔上面， 非常吸引，忍唔住影相。
Do rukha khumb
其實即係烤蘑菇串燒，蘑菇入面釀咗一啲薯仔蓉， 外面就搽咗一啲醬料同埋香草，食落都幾惹味。
入面嘅薯蓉加咗少少薑黃粉，所以同一般食到嘅薯蓉有少少唔同，但係都好香口。
Garlic naan
呢個應該係比較多人熟識嘅印度小食， 即係蒜蓉烤餅，不過呢度嘅蒜蓉烤餅比一般食到嘅鬆軟，而且嗰邊位好脆口，但係蒜蓉味就比較少，反而重牛油味多啲。
Mango lassi
最後當然唔少得芒果乳酪啦， 次次食印度嘢都要叫一杯嚟飲， 呢度嘅 乳酪比較杰身， 飲落好漿口， 但係飲得出用咗芒果去打， 同埋加咗少少 茴香籽，呢樣嘢就比較唔習慣，雖然有一種特別嘅香味，但係食到啲茴香籽粒粒，就唔係人人都鍾意。
Post
