預早左幾日book位，喺whatsapp confirmed左夜晚7：30。嚟到侍應搵唔到我個booking，好在有whatsapp record，即時安排返俾我地坐，用餐時間90分鐘，都真係full曬，見好多人等位。
我地兩個人叫左個純素沙律碗、黑松露芝士蕃薯條、麻辣青醬墨西哥pizza、奇異果羽衣甘藍富士蘋果燕麥奶、紅菜頭富士蘋果檸檬燕麥奶，食完勁飽
。雖然平時都有間中食開素食，但呢間新派日式素食cafe俾到我好唔一樣嘅感覺
，蔬菜新鮮唔在講，整法簡單但食到原味，呢樣好緊要，最怕煮嚟煮去無左蔬菜個鮮味（日本料理就係好著重食物本身嘅原味鮮味👍🏻😊），最正係個麻辣pizza，唔係甚麼四川果啲，佢只係加左花椒油同其他醬，而其他配料火箭菜，菇菇同個pizza底都好好味，各樣簡單嘅配料夾埋一齊，令人一再回味，係會再有下一次嘅衝動
！樣樣都好味，整體食物中上有誠意，下次再試其他
