抹茶館 (Closed)

今日5.1假期，真係唔想出街同啲強國人迫，但係要去買嘢… 同埋中咗某某美味朱古力品牌7折，所以就揀咗個冇咁多強國人，又可做齊要嘅事情嘅地區荃灣。搞掂咗目標後，已經晚上差不多7點，行晒成個荃灣廣場，樓上冇一間食店有位㗎…去到地下嗰層，居然抹茶館有位啊~ 立即唔諗走咗入去先~黑麻油濃厚豬骨拉麵定食，叉燒切得算厚有，味道唔係太濃郁。定食配有兩件炸雞，一碟帶有少少辣味嘅芽菜仔配菜。兩件三文魚壽司，厥餅甜品好好味。香蔥芝麻豬肉生薑燒定食，豬肉煮得適中，見有少少薑蓉放咗喺碟邊，應該係方便客人喜好呱~還配搭咗好多蔬菜呢點加分。定食包括咗個豚肉野菜湯，味道都幾好。特色定食白飯係免費添加，本來都係加一碗，點知未嚟就通知店員有碗白飯未到，點知就嚟到後又有多碗，好彩食完碗麵，仲有位幫手食多大半碗飯啫~紅豆雪糕抹茶好好味~