Video
Read full review
2018-02-03
6627 views
老鍋算係嚮油尖旺區之中，一間比較貴價嘅火鍋店，正常嚟講，人均消費都要300蚊以上。而佢嘅最大賣點就係足料湯底，強調真材實料，既有麻辣、亦都有養生美顏嘅選擇，每款湯底平均200蚊左右(鴛鴦鍋以較高價錢嘅湯底收費)。除咗湯底，食材都相對高質同埋新鮮，單價自然都比較貴。好似我地咁，只係點咗4款食材，計埋飲野，就已經盛惠800蚊。話就話好食，不過為咗銀包著想，都係少食多滋味～ 鴛鴦鍋(養生鍋+美人鍋) HKD198 兩款湯底都咁足料，美人鍋可以見到原隻嘅烏雞，飲落除咗膠質感十足之外，金華火腿嘅鹹鮮味亦都好突出，嚮烏雞同南棗嘅鮮甜中和之下，味道濃郁得嚟又唔會過火；而養生鍋亦都落重本，就咁望已經見到好多人蔘，可以想像到成煲湯都會好重甘味，未飲已經覺得好補～記得要嚮淥野之前先飲返兩碗，暖胃之餘，又夠原汁原味；如果淥完一輪先再飲嘅話，味道就會好雜。 台灣A菜 HKD68第一次食台灣A菜，望落佢個樣雖然唔算好靚仔同嫩綠，但勝在夠清脆香甜，一試就愛上咗佢。不過一盤盛惠68蚊，對於我呢啲平時嚮深水埗買開幾蚊菜仔嘅人嚟講，真係太貴。好多人誤以為台灣A菜即係等於油麥菜，但其實佢地只係菜有相似。 A菜，又名「萵筍
鴛鴦鍋(養生鍋+美人鍋) HKD198
兩款湯底都咁足料，美人鍋可以見到原隻嘅烏雞，飲落除咗膠質感十足之外，金華火腿嘅鹹鮮味亦都好突出，嚮烏雞同南棗嘅鮮甜中和之下，味道濃郁得嚟又唔會過火；
而養生鍋亦都落重本，就咁望已經見到好多人蔘，可以想像到成煲湯都會好重甘味，未飲已經覺得好補～
記得要嚮淥野之前先飲返兩碗，暖胃之餘，又夠原汁原味；如果淥完一輪先再飲嘅話，味道就會好雜。
鴛鴦鍋(養生鍋+美人鍋)
$198
48 views
0 likes
0 comments
台灣A菜 HKD68
第一次食台灣A菜，望落佢個樣雖然唔算好靚仔同嫩綠，但勝在夠清脆香甜，一試就愛上咗佢。不過一盤盛惠68蚊，對於我呢啲平時嚮深水埗買開幾蚊菜仔嘅人嚟講，真係太貴。
好多人誤以為台灣A菜即係等於油麥菜，但其實佢地只係菜有相似。 A菜，又名「萵筍」、俗名「妹仔菜」、「鵝菜」等等。 A菜同油麥菜都屬萵苣屬，A菜屬於莖用萵苣，而油麥菜就屬於長葉萵苣。
台灣A菜
$68
32 views
0 likes
0 comments
鴛鴦雙蚌(桂花蚌、珊瑚蚌) HKD148
蚌身每一件都切到好薄，淥嘅時候自然更快熟，大廚就建議，灼8秒係最理想。雖然珊瑚蚌同桂花蚌本身無乜味道，但放落美人湯同養生湯輕輕一淥，就已經帶到佢地嘅鮮味；食落好爽口彈牙，點埋特製嘅醬油，鹹度恰到好處，仲keep到個鮮味。
鴛鴦雙蚌(桂花蚌、珊瑚蚌)
$148
40 views
0 likes
0 comments
美國特級牛肋肉 HKD198
捲成一條條圓柱狀嘅薄切牛肋肉，油花紋理清晰，蛋白質同脂肪嘅比例亦都好平均，擺落火鍋到涮幾秒就上哂色，再點一點鮮味嘅醬油，食落嫩口、牛味濃郁，正！
美國特級牛肋肉
$198
51 views
0 likes
0 comments
手工丸拼盤 HKD98
(梅菜豬肉丸 芝士牛肉丸 墨魚丸 黑松露蝦丸)
手工丸嘅配搭除咗有常見嘅丸類之外，仲有好多創意嘅選擇。梅菜豬肉、芝士牛肉、黑松露蝦呢啲都好有特色，肉感重、唔會粉，食得出係足料製作，不過講到爽口彈牙，始終都係墨魚丸最好，一粒真係好墨魚嘅墨魚丸，完全唔係一般嘅墨魚丸可以媲美～
手工丸拼盤
$98
19 views
0 likes
0 comments
Post
