古早牛肉麵 (Closed)

某日黎到深水埗唔知揀咩食，行經見到呢間裝修新淨既台灣野食，價錢睇落亦合理，就進門一試。店舖牆上掛滿漫畫海報，幾有心思，但座位偏狹小。野食黎喇！首先係台式小香腸肉燥便當，台灣腸係幾好味，皮脆肉甜，但肉燥份量偏少，或者配搭一些蔬菜會更加好。醬油豬軟骨乾拌麵，豬軟骨值得一讚！炆得夠入味好食！拌麵汁就反而有啲唔夠味，整體都算合格除此之外，仲點左杯台式飲品冬瓜茶，亦都係一般般啦。我見好多人都有叫牛肉麵，可能比便當或拌麵出色D～有機會再試試啦！