泰潮 (Closed)

因為今日要買電腦用品, 所以黎到深水埗揾食, 由於深水埗好質素的食店並唔多,見到呢間2011- 2013 米芝蓮推介, 當然要試下。食晚飯時間要等幾張枱, 但好快有位。我地點左個海南雞飯餐$52, 轉腿+$5, 另一個點左冬陰功湯粉$38雞飯跟例湯及靑瓜,靑瓜夠味酸酸辣辣，例湯亦有雞味 雞肉好滑好鮮嫩,係香港黎計都算係數一數二的滑,雞已去骨亦算大件厚身,唔會好似一般小店甘多飯少肉, 油飯唔會太油膩, 有雞香味, 不過略謙乾身左D, 唔夠軟滑冬陰功金邊粉, 湯頭酸酸辣辣有椰香味,味道 幾好,但唔太辣, 建議如果鐘意食辣的朋友可以order 時叫佢加辣, 内裡有3隻連殼的新鮮蝦,車厘茄同大量菇, 粉亦夾口彈牙,$38蚊黎計都算係有誠意~ 店内環境細小, 枱與枱之間没有多餘空位相距甚近, 一般黎講此類型小店都唔需要收加一服務, 但臨埋單前睇下張單,呢到竟然要收!!可能因為是米芝連食店的關係??難怪openrice 的食評麻麻,雖然如此,但總括味道唔差, 價錢亦可以接受, 都會再返黎食。