蘇媽.蘇媽馬來西亞茶餐室 (Closed)

今次同女朋友又去左深水埗搵呢間好多人排嘅馬來餐廳 我地黎過兩三次 每次都起碼排十五分鐘以上 雖然每次都要等 但係都俾呢間餐廳嘅美食而吸引 搞到又排隊😤呢間馬來餐廳最出名嘅美食莫過於係佢哋嘅肉骨茶！呢間肉骨茶嘅藥味唔係太重，但又唔會比骨味蓋過，恰到好處！我就叫左皇帝骨肉骨茶，椰漿飯，流心蛋，仲有馬來拉茶。我將流心蛋撈左落椰漿飯入面，再配皇帝骨呢個自選組合非常好食，個皇帝骨唔會太肥，點佢哋嘅醬汁推介，配搭一舊皇帝骨，一啖流心蛋椰漿飯，好滿足🤤而且佢哋仲可以任添肉骨茶，唔夠可以飲到夠！而女朋友叫左呢碗褔建檳城老鼠粉，加埋辣醬！呢個味道好開胃，隻蝦又好鮮，配搭非常好！仲叫埋呢杯椰汁班蘭冰，接唔接受到班蘭嘅味道就見仁見智，但係呢杯嘢飲就好足料，裡面仲有西米露，算係咁！女朋友就話好好飲，但係我都係鍾意馬來拉茶多啲。最後我哋仲叫咗檳城香炸滷肉卷，外面係腐皮，入邊有沙角、芋頭、滷肉，味道幾特別，都算唔錯，配搭埋辣醬，真係有少少辣，唔食得辣嘅朋友要注意⚠️總括來講，呢間馬來餐廳值得回頭再食👍🏾