蘇媽.蘇媽馬來西亞茶餐室 (Closed)

今曰又黎到我地既平民食堂～深水埗。正所謂識食既一定係深水埗…等左廿分鐘，入到蘇媽先點出名嘅肉骨茶，分幾種骨……大骨、细骨、皇帝骨(限量)，我當然叫皇帝骨肉骨茶啦，肉骨茶味香醇，有藥材味，易入口，仲可以添飲。叫咗肉骨茶豬手，好似厚切燻蹄咁上碟，我自己就麻麻。還有沙爹串燒牛羊雞，醬汁有香濃花生味，但係肉就有少少韌。咖央多，麵包烘底，幾好味，烤餅也不錯。叫多杯熱拉茶，茶滑不太甜，但凍咖啡，就一般啦。價錢合理，雖然地方較细，但衛生也好，整體不錯，又近地鐵，值得間中去食馬來西亞菜。