前菜有個沙律仔，之後就係刺身啦，店員有建議次序食法，先食帶子，再食右上角嘅平目、油甘魚。最後食右下角嘅鰹魚。由淺入深，由淡味至濃味！刺身唔腥好食😋
之後食飽魚，超。驚。艷！我平時對鮑魚都係麻麻地，唔覺得好食。但呢度真係落左唔同汁烹調，好有鮮味、咸香味，好出色！燒得好好，絕對係今場MVP！
龍蝦好大隻，師傅仲識落油燒d蝦膏，勁有鮮味！好多肉好滿足😌😭
牛肉薄燒好正，包住蒜片，牛肉質素超正👍🏻 唔輸海鮮！😎
仲要再有鵝肝多士食！😍好正，好肥美，油香感爆棚！😋
櫻花蝦炒飯，粒粒分明、我覺得仲勁過用鑊炒，用鐵板整仲好食d！
最後有個麵豉湯、雪米磁，就完美收尾！😋🤤
