Video
Read full review
2024-01-14
1659 views
又落深水埗食嘢，都係黃金附近嘅福榮街，附近都有好多麵食嘅選擇。雲吞麵 、車仔麵 ，呢啲超常見，不過呢間夾喺幾間文記中間，都咁多人排，證明佢都有佢嘅賣點。 未入去，見到特價麵食、各種江南點心，入到去睇詳細餐牌，仲有好多唔同款式嘅小菜，豐儉由人。 黃金蝦球 $128呢碟份量幾大，麵皮好薄，掛到好多鹹蛋黃，香而不會太油膩，蝦肉夠大夠彈牙。不過呢個必須趁熱食，食完其他嘢，攤凍左少少，效果即刻差好遠。 蟹粉小籠包 5隻 $118雖然$118呢個價錢，好多地方都做到，不過人地係4隻，呢度有5隻。就算有，出面肯定唔會咁豪，用蟹粉做記認嘅。裡面好多湯，蟹粉多過豬肉。如果要彈，最多係塊皮厚少少。 霸王辣子雞 $138傳統嘅辣子雞，都係將啲雞切得好碎，然後配好多辣椒。不過咁樣就會令碟餸好多碎骨，所以好多舖頭已經變成雞丁，更少成本。呢度一樣係切到碎，配合辣椒Size，但無碎骨，同埋食到雞嘅唔同部分，唔係雞翼雞髀。雞粒炸得乾身，係好香口。呢個第一啖食，會覺得幾辣，之後愈來愈無問題。 雲腿津白 $88睇
未入去，見到特價麵食、各種江南點心，入到去睇詳細餐牌，仲有好多唔同款式嘅小菜，豐儉由人。
黃金蝦球 $128呢碟份量幾大，麵皮好薄，掛到好多鹹蛋黃，香而不會太油膩，蝦肉夠大夠彈牙。不過呢個必須趁熱食，食完其他嘢，攤凍左少少，效果即刻差好遠。
蟹粉小籠包 5隻 $118雖然$118呢個價錢，好多地方都做到，不過人地係4隻，呢度有5隻。就算有，出面肯定唔會咁豪，用蟹粉做記認嘅。裡面好多湯，蟹粉多過豬肉。如果要彈，最多係塊皮厚少少。
霸王辣子雞 $138傳統嘅辣子雞，都係將啲雞切得好碎，然後配好多辣椒。不過咁樣就會令碟餸好多碎骨，所以好多舖頭已經變成雞丁，更少成本。呢度一樣係切到碎，配合辣椒Size，但無碎骨，同埋食到雞嘅唔同部分，唔係雞翼雞髀。雞粒炸得乾身，係好香口。呢個第一啖食，會覺得幾辣，之後愈來愈無問題。
雲腿津白 $88睇個樣係最清嘅一樣，津白有用上湯煮過，唔會太淡，再打一個芡，令佢入口更滑，呢度嘅五大塊火腿切得好厚，令佢賣相好好。
總數: $472
上海萬家村小館深水埗福榮街117號地舖
電話: 36145562
Post
