Video
2-min walk from Exit D2, Sham Shui Po MTR Station
continue reading
Telephone
36145562
Opening Hours
Today
11:30 - 23:00
Mon - Sun
11:30 - 23:00
Public Holiday
11:30 - 23:00
Public Holiday Eve
11:30 - 23:00
*last order: 23:30
Above information is for reference only. Please check details with the restaurant.
細個三叔帶我喺深水埗揾食，就食過呢一間做上海菜嘅萬家村。當然時隔咁多年，仍然可以屹立喺深水埗相信有一定實力，感覺裝修靚咗，燈火猛咗，至於手勢有無好咗今日要食下先知！見到佢其實除咗散叫之外，套餐都好著數，不過今次想試下食多啲上海特色嘅小食，所以就散叫。適逢踏入蟹季，所以都嗌咗一個蟹粉豆腐羹、兩籠鮮肉小籠包、一碟鍋貼同一碗豬扒拉麵。平時去酒樓飲都會有湯羹，一大兜分通常只會食到一兩碗，諗住138呢個價錢都唔會俾得多。點知一拎上來時，嘩，份量真係多唔係講笑。本身呢日開OT有少少餓，揀咗呢個羹真係啱哂。每一羹都有豆腐豐富口感，又滑又嫰，再加埋蟹黃蛋黃，間唔中又食到一兩條蟹絲，無得彈！最重要食完兩碗都唔覺得滯，真係好啱用來開胃，而且仲有剩！可以食完成餐之後再飲，好有住家飯餐前餐後一碗湯嘅感覺。喺店家推介排行榜名列第一嘅小籠包嗌咗兩籠，同友人一人五隻。小籠包呢樣嘢唔單止上海菜，好多其他地方都有得食，但整得好唔好又係另一回事了。食落去有肉汁係基本常識，然之後個皮就當然越薄越好。不過有啲舖頭一味追求皮薄，用筷子一夾個包就穿窿漏哂啲汁，咁都係Fail嘅。不過喺呢度就唔使擔心，夾上手無穿，食落去肉汁爆出來，而且都唔會話太熱淥親條脷。食到最後一個時，距離上菜都已經十五至二十分鐘，凍咗係必然嘅，但啲汁都無話因為咁而乾咗，啫係話由頭到尾每一個包都可以做到食落去有肉汁，一個字，好！食小籠包嘅時候仲可以攞一啲豆腐羹嘅蟹肉上去，食落去好有蟹嘅味道，更上一層樓。 鍋貼又係上海菜另一款基本菜式，喺呢度排行榜佔第四名嘅位置，一樣係五隻，每一隻個底都煎到金黃色，外脆內軟，咬落去啖啖肉！麵食揀咗豬扒拉麵，清淡返啲，佢有唔同嘅湯底選擇不過我就揀咗清湯，飲落去唔覺有味精嘅味道，炸豬扒同鍋貼一樣炸到外脆內軟，炸粉薄薄哋一層唔厚，咬落去唔會話食炸粉多過食豬扒，炸得好！本身無嗌到飲品，不過呢度每個客人都會送杯凍豆漿或者汽水，解渴之餘亦都保持口腔清新，俾條脷休息一下再開始過，而且豆漿嘅豆味都好濃，值得我叫多杯飲。最後嗌高力豆沙做甜品收尾，即叫即做，所以上臺嘅時候熱辣辣，食嘅時候一定要小心啲，咬落去都好鬆軟而且紅豆餡亦都足夠，紅豆嘅味道唔會話太甜，做飯後甜品一流。 食上海菜其實仲有好多嘢想試，例如酸辣湯、擔擔麵、生煎包，連小籠包都有幾款，包括最吸引嘅蟹粉小籠包……而且呢度都有少少撈過界嘅川菜，基本上排行榜單上的十位全部睇落去都好值得去試，所以去一次係唔夠喉嘅，因為仲有好多菜式未食過，再次畀理由我之後再食過。
continue reading
諗住搵間抵食嘅上海菜，見呢間近近地，又幾多好評就去試下。點知6:30pm一去到已經超多人，15分鐘之後已經要排隊先可以入座了，估唔到人氣咁高🍀是日點餐🍀鮮肉生煎包(💰50/5隻）個底煎得幾香脆，肉質鮮嫩，調味啱啱好，不過又未到爆汁個隻，ok抵食嘅～ ｜👅: 3.5/5蟹粉黃金炒飯(💰110）蟹粉炒飯，真係好有驚喜！😻首先，個蟹粉芡汁金黃色，睇落去已經好吸引。🦀 芡汁入面有一絲絲嘅蟹肉，咬落去鮮味十足，蟹香四溢，完全冇腥味，真係好正！😋 炒飯方面，粒粒分明，飯粒乾身唔油膩，同蟹粉芡汁撈埋一齊食，口感豐富，味道層次分明，真係令人回味無窮。👌｜👅: 4/5涼拌拼盤(💰104）黎得食上海野，點少得拼盤～我地叫左怪味雞、雞絲粉皮、鎮江餚肉同埋上海燻魚。無論係怪味雞定雞絲粉皮，啲雞都好嫩滑，點埋芝麻醬同埋又甜又辣又酸其實唔怪幾好味嘅醬，真係回味無窮，好開胃！鎮江餚肉第一次食，帶著水晶般晶瑩剔透嘅膠質，望落就已經好吸引，食落完全唔會膩～至於上海燻魚，混合香醋同蜜糖嘅魚肉酸酸甜甜啖啖肉，實在不錯｜👅: 4.5/5紅燒獅子頭(💰105）跟住，一定要食上海招牌名菜——紅燒獅子頭🍖。一上枱，個賣相已經好吸引，獅子頭大大粒，色澤紅亮，睇落好juicy💦。咬落去，肉質鬆軟，肥瘦適中，入口即化😋。醬汁濃郁得嚟唔會太鹹，帶啲啲甜味，好啱我口味👍。配埋啲青菜，解膩又健康🥬。整體嚟講，呢個獅子頭真係好食到停唔到口，下次一定會再encore👏！｜👅: 4.2/5
continue reading
這家上海菜位置很好找，就靠近深水埗地鐵站。店內好多是多年來的回頭客。店內裝修有些年份，但乾淨企理，讓客人入座覺得很舒適。經理人很友善，很耐心介紹了菜式。番茄炒時蔬（選了菠菜），是家常的味道，落鹽油也不多，吃著很舒服安心。健康滿分！蟹粉豆腐羹，算是店家招牌，豆腐滑嫩，蟹粉足料，配上生薑，寒涼中和之後的一道美味！小籠包外皮Q彈，咬一口下去湯汁充滿口腔，不會失望！獅子頭吸滿了醬汁，肉質入口即化，回味連連。還有兩杯少甜豆漿，喝起來也沒有負擔，整一餐就是居家用餐體驗。充滿了人間煙火氣的溫馨。
continue reading
今日去完深水埗買完野，就去左老字號上海萬家村小館度食野，餐廳主打價錢扺食又多野點，所以都要算1,2張枱涼拌四拼有好多野可以選擇，我地點左海蜇、燻魚、肴肉以及怪哇雞的鮮香，讓每一口都充滿驚喜。特別適合作為開胃小菜，清爽又不油膩。酸辣湯味道酸中帶辣，湯底濃郁，裡面還有豆腐和各種蔬菜，口感豐富，非常開胃，是一道完美的暖身湯品。🤣🤣🤣宮保蝦球🆗蝦肉鮮嫩，搭配的宮保醬汁香辣可口，讓人垂涎欲滴。這道菜的口感層次豐富，甜中帶辣，非常受歡迎。🤤🤤🤤🤤🥒🥒干扁四季豆干扁四季豆炒得恰到好處，保持了四季豆的脆嫩，搭配香脆的蒜末，讓整道菜品更具風味，既健康又美味。
continue reading
今日朋友帶我到深水埗吃上海菜，居然吃到口味正宗的上海菜，非常有驚喜。～酸辣湯雲吞大大碗酸辣湯，酸辣恰到好處，六粒大雲吞，爽滑豬肉餡料，令人回味無窮，份量非常大，三至四人吃也足夠。～ 涼拌雙拼選了海蜇和上海熏魚，熏魚三大件，海蜇份量亦不少，做頭盤冰涼又開胃。～ 鮮肉生煎包一客有五隻，上枱時候熱辣辣，底部煎得金黃香脆，餡料爽滑不肥膩，讚！～ 豆苗炒蝦球（客飯餐）先要提一提係有八隻蝦，隻隻彈牙，豆苗份量多，性價比極高。最重要提一提加$15可以飯轉酸辣湯或者擔擔麵，份量絕對是我估不到的大，應該係正價size的份量，就算加錢來轉，亦絕對超值。味道香口、花生味帶點Spicy，唔食得辣都絕對冇問題。味道令人回憶起兒時吃到的上海菜口味，不花巧，大件夾抵食，值得推介。員工亦十分friendly, 見他們跟客人傾偈也有講有笑。總括來說，性價比高，大件夾抵食，下次嚟深水埗我也要再來幫襯。
continue reading