, 台式邊爐係大家去台灣旅行既熱點, 最近呢間台式火鍋好受歡迎, 令
唔打邊爐既我都竟然心動了!!!
上次想BOOK旺角既可惜已經full左, 今次見佐敦岩岩新開左, 我就即刻要去試咯!!!!
入去真係好似宮殿咁@@ 以黑漆木材作餐桌佈置, 古色古香, 充滿風味, 燈光較暗幾有氣氛, 有點似去左古裝劇場地XD
火鍋湯底選擇好多, 而我就梗係揀最吸引既美人鍋同埋養生鍋, 最開心係只要一個價錢就可以試哂兩種鍋
, 價錢就收取相對貴果個。
美人鍋乳白色既湯底, 湯材料全部都係我既最愛, 桃膠、烏雞、南棗等等熬製而成, 桃膠係近年養顏食材既大熱
, 我自己都有買黎煲, 價錢真係幾貴, 估唔到入面有好多桃膠呢, 仲有龍眼乾等, 滋潤度十足, 烏雞原隻實在令人好興奮!!!! 
成隻比我一個人清哂!!!!
至於養生鍋亦係足料之選, 有當歸 人蔘 金華金腿等食材, 每一啖都飲到濃郁藥膳既味道, 超滋補的說!!
我一個人都飲左近6碗, 真心覺得個湯底已經足以令我回頭了!!!!!
叫左唔少食材, 無論肉類定丸定餃等都係幾有特式, 肉類我就揀左雞, 佢寫嘉美雞但價錢唔貴喎, 都有成十幾件, 見隔離枱啲牛都幾靚, 黎得台式打邊爐當然揀返啲特色台式食物
, 我就揀左鴨血, 手打丸拼盤 蟹籽墨丸滑 新竹米粉等等, 全部都幾抵食同埋新鮮, 加埋有個咁鮮甜既湯底, 食物更加能夠煮出鮮味呢。
其中最推介一定係鴨血!!!!
本來我叫鴨血朋友都擰哂頭話唔食, 點知佢最後同我爭食!!!! 意想唔到咁彈牙!!!! 比起平時食豬紅完全係兩回事, 而且48蚊有咁多件, 好抵食~~~ 佢切呢個厚度岩岩好, 完全可以呈現到佢既韌彈, 比起一粒粒更加有咬口, 超推!!!
另外令我驚喜既仲有呢個蟹棒!!!
$38 都唔會預佢係咩特別蟹柳, 嘩,估佢唔到咁鬼鮮甜, 我成日係SOGO買果啲貴價既蟹柳, 但味道都比唔上呢碟呢!!! 越普通既野更加有驚喜~
手打丸有幾款, 都幾有特色, 所以我就揀左手工丸類拼盤, 12粒共6款都可以試哂了~~
包括左鵝肝墨魚丸黑松露蝦丸 芝士牛肉丸 墨魚丸 蝦丸 同埋梅菜豬肉丸, 
我最期待係芝士牛肉丸, 不過芝士就比較少, 反而令人驚喜係黑松露蝦丸
, 細細粒但黑松露香一咬就食出, 配埋爽彈質感唔錯喔, 不過丸既size比平時食既細, 但就因為手打所以更真材實料既感覺, 味道亦係出面食唔到的~
最後埋單時估唔到仲有甜品送, 係獨立包裝既雪糕球呢!!
我食左既朱古力味好香濃丫!!! 反而朋友既綠茶味就甜左D~ 但有甜品食就開心仔!!
雖然埋單都三百幾蚊每人, 但個湯底同特式食材絕對令我會回頭!!
好彩佢又多左分店令我唔洗咁難book lol
