尚鮮海鮮料理

Open Now

Now Closed

尚鮮火鍋海鮮料理天氣涼左，梗係要打下邊爐啦！其實除咗旺角，佐敦吳松街都有好多好嘢食！見到呢間網上評論幾好，就即刻book咗黎食！呢度好多款特色湯底，我哋膽粗粗叫咗一個 98三高茶什菌湯($119)試吓，估唔到好清甜，而且打邊爐一啲都唔會肥膩，健康湯底不二之選！二人海鮮盛 $239必點！呢個海鮮城真係好抵，$239有蟶子皇🤤、海蝦、大花甲、白鱔，仲有廣島蠔。樣樣都好大隻又好新鮮。😍手切安格斯牛 $209呢度嘅安格斯油脂分布平均，完全唔似係$209一份嘅牛肉，好食到停唔到口，兩個人好快食哂一大碟牛！🤣鮮打四寶丸$86個人最鍾意墨丸，而蝦丸好出色，食得出用咗好多蝦打出黎 ！田園盛🥗 $86一份就有好多唔同種類嘅蔬菜，而且仲係有機嘅添，加分！整體來講，呢間真係好值得推介，食材新鮮，服務周到，地理位置良好，份量唔會太大，兩個人黎食都可以叫到好多款式。