OPPA韓國燒肉店 (Closed)

9點幾係直街果邊，本身想搵個快食～但經過oppa睇到唔太多人，咁岩依兩日又凍，就入去燒一燒先今次就試吓海鮮燒肉放題！海鮮方面：蝦、八爪魚、魷魚、多春魚都可以任叫～四粒帶子同2隻飽魚就附送一次一埋枱，好快就上碟～擺盤係牛既形狀好特別，d肉都係有張卡紙介紹咁多款入面，首選係A4黑毛和牛三角腩，d肉好軟身，入口好快溶，質素係眾多款中最好另外無骨牛肋骨都好味，有返少少咬口，但都怕靭依兩款我地就再添加多份！加拿大牛排骨個口感同調味都唔錯，不過第一盤入面依款份量都幾多，所以就無再嗌其他款既有肉就唔太突出，但都唔錯既送既海鮮都幾新鮮，帶子味道幾好，不過唔小心燒耐咗d，乾左d，燒帶子緊記唔可以太耐喔！海蝦d肉都結實，都嗌咗好多隻～另外，牛油粟米、翠肉瓜、洋蔥⋯都要嗌，食過咁多肉，有d菜中和下，又好味佢仲有d韓食可以嗌，嗌咗個蔘雞湯，有d喜出望外喎！雞肉嫩，d湯係鮮甜！值得一嗌燒燒下，又燒咗兩粒鐘，大滿足！