翠林辣蟹舫

老公知我鍾意食海鮮今次特登帶我嚟呢間餐廳食蟹。翠林辣蟹掂坊呢間餐廳主打係食蟹同龍蝦，距地嘅食法都有好多種包括有避風塘炒蟹黑白胡椒蟹黃金流沙蟹，蟹油醬香辣蟹等等今次我地就選擇左避風塘炒蟹，最近只要叫蟹仲會送半隻污糟雞Tim 嫁！另外我地仲叫左豉椒炒蜆同通菜煲。避風塘炒蟹一上枱估唔到咁大隻而且賣相好靚因為仲有個木架喺度可以比大家影吓相添。避風塘啲蒜蓉非常之惹味不過可能因為好大隻所以啲蟹殼非常之堅硬好難拆肉辛苦一輪但係都好值得嘅因為真係食落啖啖肉，而且啲肉質好鮮甜。污糟雞係用咗蒸籠蒸啲雞嘅，蒸籠底下有一大塊荷葉面頭再配上啲紅棗同埋榨菜，雞肉食落好滑嫩而且估唔到雞肉同榨菜都幾夾。豉椒炒蜆呢碟係我老公嘅最愛豉椒炒蜆隻隻都好肥美，唔會得d殻而且食落好鮮甜不過我老公就鍾意食辣所以就話覺得辣返少少會更惹味。呢間餐廳絕對如果鍾意食海鮮嘅朋友一定黎要試吓因為真係非常之好食嫁！