Video
Read full review
2015-10-02
3548 views
今日突然興起，想去食燒肉，因為都好耐無去食盛八，就同大少去食吓，本身我係會員，我地又得兩個人，都唔食得幾多款，所以好理所當然，一定係叫二人餐，因為牛、豬、雞都有，又唔駛一碟碟叫，啱晒我同大少呢啲咁懶嘅人~~今次見二人餐有海鮮，基本上我呢個海鮮控有需要考慮嘅地方，就決定要“会席．二人盛”Acid Apple - 呢杯飲品有青檸汁、蘋果汁、雪碧，口味清新，因為最近我愛上咗青檸飲品巴馬臣火腿蟹子沙律 - 最近因為我正在減肥中(減肥都重食燒肉，真係呃鬼食豆腐XDXDXD)，所以近來都食咗好多沙律，不過因為我多數都係超市、MOS Burger買多，所以絕對少食到有Parma Ham嘅沙律，真係好滿足，大少話佢唔係好夠鹹香，不過我其實對Parma Ham無乜特別研究，有得食我就OK，平時唔太鍾意有醋嘅沙律，但係唔知係唔係因為最近食多咗酸少少嘅沙律，口味都有啲變，覺得可以接受，最特別係沙律入面有啲甜嘅椰果，可能因為呢啲椰果而我覺得好好味~~~金目鯛雙色蟹子蝦沙律花之戀 - OMG，我好鍾意呢個，不過唔知點解食落口好似有少少辣嘅感覺，平時食開嘅花之戀係有米飯，但係呢個，全個都係龍蝦沙律，再用金目鯛包住
今次見二人餐有海鮮，基本上我呢個海鮮控有需要考慮嘅地方，就決定要“会席．二人盛”
Acid Apple - 呢杯飲品有青檸汁、蘋果汁、雪碧，口味清新，因為最近我愛上咗青檸飲品
巴馬臣火腿蟹子沙律 - 最近因為我正在減肥中(減肥都重食燒肉，真係呃鬼食豆腐XDXDXD)，所以近來都食咗好多沙律，不過因為我多數都係超市、MOS Burger買多，所以絕對少食到有Parma Ham嘅沙律，真係好滿足，大少話佢唔係好夠鹹香，不過我其實對Parma Ham無乜特別研究，有得食我就OK，平時唔太鍾意有醋嘅沙律，但係唔知係唔係因為最近食多咗酸少少嘅沙律，口味都有啲變，覺得可以接受，最特別係沙律入面有啲甜嘅椰果，可能因為呢啲椰果而我覺得好好味~~~
金目鯛雙色蟹子蝦沙律花之戀 - OMG，我好鍾意呢個，不過唔知點解食落口好似有少少辣嘅感覺，平時食開嘅花之戀係有米飯，但係呢個，全個都係龍蝦沙律，再用金目鯛包住，感覺上冇用三文魚包咁油膩，味道亦啱啱好
盛合の海幸 - 香草牛油大磨菇，大蝦2隻、香草牛油帆立貝、澳洲牛里肌肉、辛辣醬魷魚、豬肉、泡菜醬雞腿肉、芝士黑七味砂肝，我同大少勁鍾意個磨菇、砂肝同牛肉，真係超好味，簡直大愛，唔係太飽，我真係會想單叫多份牛肉黎燒吓
日式咖哩牛舌炒飯 - 嗯……好香咖哩味，牛舌亦都啱啱好，唔會太韌，日式炒飯經常都會覺得好colorful，永遠都會有青椒、洋蔥、紅蘿蔔XDXD
盛八自家制奶凍 - 平時唔食奶凍嘅我，問完大少奶味重唔重之後，我就膽粗粗試吓，真係唔錯不過……士多啤梨醬可以再多啲，因為無醬之後，個奶凍會失色咗~Post
