漁獲浜燒 (Closed)

老公正日生日決定食日本菜好好慶祝一番，本來平時呢個時間應該已經身處日本當地慶祝生日，今年由於疫情關係只可以留港慶祝。前菜 - 芝麻鹽醬椰菜（細）芝麻醬味道香濃突出，椰菜爽脆清甜。冲繩風沙律沙律材料豐富用上大量刺身+冲繩海葡萄、苦瓜等等製成，淋上酸甜沙律醋，味道酸酸甜甜，非常開胃，而且剌身新鮮，海葡萄入口脆卜卜，整體清新美味，不錯不錯喔！白鱔浜燒白鱔採用生燒方法，肉質保持鮮嫩爽彈，魚肉鮮甜可口，正！味噌蟹甲羅燒蟹味噌加入蛋汁蔥花慢慢烤熱，最後拌上自家製麵包碎，入口蟹膏香味濃郁，咸香惹味，伴上脆口法包，更添滋味。二人前浜燒盛合（活）海鮮盛合非常吸引，有活南非鮑魚、北海道帆立貝，生蠔，大蝦等等，店員會幫忙續一燒好上枱，全程專人服侍真係超正。燒鮑魚鮑魚爽口鮮甜，肉質鮮嫩彈牙，沾上少少柚子胡椒更能帶出鮮味。燒北海道帆立貝加上清酒烤煮，味道清香鮮甜，肉嫩多汁，非常新鮮。最後食埋甜品做總結。柚子雪葩 - 柚子味清香撲鼻，入口微微的酸甜味，正好可以清清味蕾。