八木橋日式燒肉

Open Now

Now Closed

行開旺角，上次食過一間燒肉幾唔錯，今次試呢間。點左《霞》任食套餐: 有刺身、M5熟成和牛、其他肉類、海洋、蔬菜、麵食、甜品、飲品，大部份都任食。刺身種類好多，有三文魚、吞拿魚、希靈魚、八爪魚、帶子、馬刀貝、甜蝦。全部都新鮮，而且有用冰鎮住，質素OK。肉類選擇更多，特別想介紹M5熟成和牛，肉質腍軟、牛味香盛、帶有少許油脂感。雞肉質素都唔錯，非常嫩滑，更加可以點上錫紙盤上的芝士，輕鬆做到拉絲。不過餐廳肉類嘅融雪、解凍可以做得更好，有少少拿捏唔到燒烤嘅時間。海鮮選擇亦好吸引: 扇貝、廣島蠔、大蝦、青口、清酒煮蜆、多春魚應有盡有，比想像中嘅出色。記住燒比目魚西京燒之前要噴一噴油，咁就唔會咁痴，食落油脂滿滿，魚油豐盛。小食亦都係任點，天婦羅做得脆口而不油膩，章魚小丸子唔多粉，裏面仲有大大粒章魚。不過雞泡魚乾有少少硬身！餐廳環境超闊落，卡位坐得好舒服。