莆田 (PopCorn 2)

Open Now

Now Closed

平時都成日鍾意去呢間餐廳食lunch，因為好抵食，最近見到推出海蠣節菜式，就同朋友決定夜晚都過黎食。海蠣節優惠，可以$209點選兩道海蠣菜式，我地揀左傳統海蠣煎同埋江口家鄉海蠣湯。傳統海蠣煎啖啖海蠣，海蠣鮮嫩飽滿，配埋餐廳特製嘅有蝦醬嘅辣椒醬，食落相當惹味。江口家鄉海蠣湯飲落充滿鮮味，有唔同蔬菜例如番茄同埋椰菜花，當然最重要嘅係大量鮮甜嘅海蠣，天氣凍凍地，飲落好暖胃。椒鹽豬手外層香脆，內層係滿滿嘅膠原蛋白。辣汁花蛤充滿東南亞風味，食落辣得黎又甜甜地，好惹味好開胃。蝦苗頭水紫菜同蝦苗同埋芫荽拌埋一齊，食落鮮香，口感爽口，好食。芋香鴨芋泥夾住滷鴨肉，食落綿密得黎又充滿鹹香。外層炸過，香脆好食。鐵鍋包菜飯有包菜、滷肉、蝦米、香菇、蟶乾同乾貝炆飯，味道香濃入味，係一種家常嘅美味。