殿 大喜屋

Open Now

Now Closed

趁著考完試放鬆一下，第一次黎殿大喜屋食放題😋，預約左8:45，黎到即刻可以入座，座椅係卡位十分舒適亦有私隱度。點菜時用微信掃描qr code，全電子化十分方便！菜單主要以刺身和壽司為主，出面有得拎海膽手卷 啲海膽真係甜同埋新鮮對唔住 唔記得咗影咗相先食點了三文魚，油甘魚，希靈魚，甜蝦，長腳蟹，北海道帶子等，當中以三文魚最為令人讚嘆，入口即溶，十分鮮甜。亦有不少熟食包括炸物和燒物，點了燒牛舌，彈牙爽口，還有酸酸甜甜的開胃燒菠蘿，一個唔覺意就encore左幾碟。當然少不了日式放題必點既芝士年糕同榴槤炸彈，兩者炸得鬆脆剛好不會太油膩，而榴槤炸彈更是一咬下去榴槤既香味係口中蔓延，令人欲罷不能，忍不住叫多左幾碟。菜單上不得不提性價比最高既鮑魚花膠魚翅盅，大大塊花膠和鮑魚用料十足！感覺食翻兩盅已經回本之餘有賺。飲品方面有一般的汽水咖啡茶選擇，亦有各類酒精，最讓人驚喜是清酒🍶無限供應。另外還有梅酒，酸甜易入口相當推介。甜品方面，哈根達斯任食而且同場還有movenpick加映，一下子將平時想買又嫌貴既雪糕食翻夠本！此外還有其它甜品如各款蛋糕和中式甜品木瓜燉燕窩供應，可惜食得太飽無法一一品嚐。總括而言，