海膽仔

Open Now

Now Closed

海膽仔值得一試👍🏾去開新蒲崗做嘢，想搵下呢頭有咩特色嘢食，行過見到呢間海膽仔，門口裝修吸引到我地，我地又係海膽愛好者，於是決定入去試吓。一入到餐廳，被一大個雪櫃的生蠔吸引到，揀咗2隻日本仙鳳趾（68/隻）、2隻日本獨眼龍（68/隻）食住先，再慢慢睇menu揀嘢食。🔸日本仙鳳趾好大隻，肉質十分飽滿，帶些少海水味，好甜。🔸日本獨眼龍海水味唔太重，亦唔算creamy，但係都好爽口。整體嚟講，2款生蠔都好新鮮，非常滿意。嚟到海膽仔，當然要揀啲海膽嘅菜式。🔸倍化帶子吞海膽顧名思義，個造型係帶子夾住啲海膽。帶子好大隻好鮮甜，加上海膽絕對是匹配。材料新鮮，值得推介。🔸混合海膽沾麵個湯味道比較濃，有海膽溝了落去，有種飲龍蝦湯嘅鮮甜感覺，另外仲有4隻大蝦同埋1隻溏心蛋，整體嚟講算唔錯。🔸秘製牛舌丼定食這碗牛舌丼十分之有驚喜，牛舌好厚，好淋，秘製伴醬亦很不錯，加上少許炸蒜，配搭一流。$58仲跟一碗沙律，和一碗麵豉蜆湯，個蜆湯都十分清甜，絕對是物有所值。兩個人，埋單$546，沒有加一服務費，這個價錢，絕對親民。