海南少爺 (Closed)

同屋企人行完街，經過海南少爺見到佢哋而家有外賣優惠8折，咁我哋就決定買外賣返屋企食，因為之前都食過非常好味😋我哋今次試咗佢哋嘅黑豉油雞，仲有每次都會叫嘅印尼炒飯同埋炒蘿蔔糕，還有清湯牛三寶。新加坡古法黑豉油雞半隻 200之前都有食過佢哋嘅海南雞，印象之中係非常好味，今次就想試吓佢哋嘅黑豉油雞。黑豉油雞比較惹味和肥膩，佢哋嘅肉質依然係非常嫩滑，不知不覺都食晒啲雞皮同埋所有嘅雞肉🤤清湯牛三寶 150見今次叫咗黑豉油雞比較重口味，就叫返一個清湯牛三寶，清湯牛三寶非常豐富，除咗有好多蘿蔔之外牛肉牛筋牛腩嘅份量都多，佢嘅湯亦都非常鮮甜！印尼炒飯配沙嗲串燒 100每一次食都會叫印尼炒飯配沙嗲串燒，雖然印尼炒飯會比較肥，炒飯非常入味，配埋沙嗲醬串燒好夾！而且佢嘅份量都非常之多，不知不覺都會食晒！星洲醬油參巴炒蘿蔔糕 90炒蘿蔔糕即係佢哋人氣之一，我和屋企人第一次試過之後每一次都會叫佢嚟食，佢同自己喺屋企炒XO醬蘿蔔糕嘅味道都有啲分別，佢哋嘅炒蘿蔔糕非常有鑊氣，而且味道亦都非常特別！