Video
Read full review
2021-09-16
42 views
去開海港城，就決定係底層揾間餐廳醫肚。咁啱見到呢間星馬菜，價錢又合理，所以就揀咗佢。原來餐廳入面都好多位，我個日好彩可以坐喺窗邊，一路睇住夜景一路食😆星洲蠔餅 $88成日都想食蠔餅，難得餐廳有得叫，梗係要試吓😝 蠔餅有唔少蠔仔，仲要幾大粒又飽滿，幾多肉🤓 蠔餅本身以蛋餅為主，蛋餅厚厚，加埋蔥條。成個蠔餅口感鬆脆，唔會太油膩，幾好😚炒貴刁 $98餐廳用QR code 落單，可以先揀要辣定唔辣。我揀咗辣，不過都可以接受，唔會辣到噴火，可以當帶一帶味，開胃啲。貴刁入面有唔少材料，除咗必有大蝦外，仲有臘腸、蛋絲、韮芽等，食落既有粉麵軟熟口感，更帶爽口😛 可能呢個貴刁比較多汁，感覺油膩少少🙈星洲醬油參巴炒蘿蔔糕 $72食星馬菜的確係想試吓佢嘅炒蘿蔔糕，蘿蔔糕用咗大量醬油同配料，好似係芽菜同蛋花炒，特別惹味☺️ 蘿蔔糕方形粒粒，外面略略煎香，部分有脆香口感，同內心嘅軟熟形成對比，如果全部都脆就更正😜鹹蛋黃軟殼蟹 $208鹹蛋黃真係好邪惡🥲 每件軟殻蟹都沾上咗鹹蛋黃，咁仲可以見到粒粒嘅鹹蛋黃添。軟殻蟹炸得好香脆，炸醬唔算太厚，上碟時仲係熱辣辣，內心出晒煙添🤪 軟殻蟹本身啖啖肉，好快就食晒😎美祿恐
星洲蠔餅 $88
成日都想食蠔餅，難得餐廳有得叫，梗係要試吓😝 蠔餅有唔少蠔仔，仲要幾大粒又飽滿，幾多肉🤓 蠔餅本身以蛋餅為主，蛋餅厚厚，加埋蔥條。成個蠔餅口感鬆脆，唔會太油膩，幾好😚
炒貴刁 $98
餐廳用QR code 落單，可以先揀要辣定唔辣。我揀咗辣，不過都可以接受，唔會辣到噴火，可以當帶一帶味，開胃啲。貴刁入面有唔少材料，除咗必有大蝦外，仲有臘腸、蛋絲、韮芽等，食落既有粉麵軟熟口感，更帶爽口😛 可能呢個貴刁比較多汁，感覺油膩少少🙈
星洲醬油參巴炒蘿蔔糕 $72
食星馬菜的確係想試吓佢嘅炒蘿蔔糕，蘿蔔糕用咗大量醬油同配料，好似係芽菜同蛋花炒，特別惹味☺️ 蘿蔔糕方形粒粒，外面略略煎香，部分有脆香口感，同內心嘅軟熟形成對比，如果全部都脆就更正😜
鹹蛋黃軟殼蟹 $208
鹹蛋黃真係好邪惡🥲 每件軟殻蟹都沾上咗鹹蛋黃，咁仲可以見到粒粒嘅鹹蛋黃添。軟殻蟹炸得好香脆，炸醬唔算太厚，上碟時仲係熱辣辣，內心出晒煙添🤪 軟殻蟹本身啖啖肉，好快就食晒😎
美祿恐龍 $35
星馬味十足嘅美祿恐龍！美祿係陪住我成長嘅野飲之一，上面嘅cream 同入面嘅燕麥仲有杯裡邊嘅朱古力醬提高左唔少層次😋
焦糖爆谷奶茶 $30
手搖奶茶嘅味道加上左幾粒嘅焦糖爆谷同cream，令特飲充斥住焦糖味🍿焦糖迷可以一試！
Post
