六公館

Open Now

Now Closed

預早book咗呢間餐廳，果然名不虛傳，靚景配美食，仲有高質素服務添！不過價錢就有返咁上下！揀咗室外地方坐，會開暖爐，首先叫咗幾個開胃菜，脆皮手撕雞，皮超脆，脆到隔離果個都聽到！手撕雞配埋青瓜同面頭嘅脆皮，好夾！胡麻伴山藥，好爽口，唔會有渣，作為頭盤都好出色！慢煮岩鹽牛肋骨，肉質好鬆，一啲都唔乾身，調味啱啱好！旁邊有醬汁，甜甜地幾好食。睇唔出一份嘅份量都唔少，4人食每人都有3－4件，值得推介！蜜餞鴨肝，稍為有啲硬身～龍蝦炒北海道牛乳蛋白，好滑，奶味好香，配埋粒粒龍蝦肉增加口感，龍蝦肉好爽～避風塘炒蟹，好惹味，大大隻蟹，不過可以炒得再熟少少，有啲痴殼！