海南少爺 (Closed)

💕海南少爺餐牌以星馬菜為主，靠窗座位有海景，景觀開揚⛴入座時店員送上一壺荔枝紅茶，甜甜嘅荔枝味頗適合女孩子口味🔸星洲醬油參巴炒蘿蔔糕 $106以甜甜哋嘅醬油 + 微辣嘅參巴醬炒蘿蔔糕，惹味又香口，蘿蔔糕外脆內軟，入面仲有粒粒臘味，鹹香味十足🔸招牌海南雞飯拼馬來西亞肉骨茶 $138無骨海南雞一直係最愛之一，鍾意佢起晒骨夠方便，雞肉嫩滑，配上三種醬料各有特色肉骨茶嘅藥材味濃郁得嚟易入口，材料有肉排、冬菇同豆卜，小小一碗都足夠2人分享🔸蔥油酥餅配咖喱汁蔥油酥餅口感酥脆，蔥香突出，無論配咖喱汁定原味咁食都好正🔸上湯浸菜心菜心爽甜新鮮，以上湯煮感覺清新唔油膩