天天海南雞飯 (Fashion Walk)

Open Now

Now Closed

早排朋友約銅鑼灣的fashion walk食鴨，為咗無數個的fashion walk ，行咗好多冤枉路，先至搵到間食肆，亦因為咁，發現咗『天天海南雞飯』呢間曾經喺沙田食過的食肆，就諗住下次來呢度食天天海南雞。但係，有時意外的嘢係預計唔到嘅，事關諗住食雞的我哋喺銅鑼灣呢間舖見到我哋亦都好鍾意的其他新加坡美食，所以食雞就留返下次吧。鍾意嘅新加坡美食就係『海鮮喇沙』和『古法肉骨茶』，『海鮮喇沙』出場勁有儀式感，大大煲的喇沙料有爐『與』住，而啲麵就用筷子掛住，咁大個女第一次見咁大陣仗，哈哈，爭D唔識點攞啲麵來食。『肉骨茶』亦大大煲，有4條大排骨好諗，好入味，4個人食都够。除此之外，仲叫咗三色小籠包，有原味，黑松露味及麻辣味，呢度没有醋的小碟提供，而係喺每個小籠包上都有個醋的小針筒，食時即時注入，好鬼得意；『黄金涼瓜』係我朋友至愛，涼瓜爽脆不太苦，出邊的黄金蛋黄味好香口，邪惡黄金配涼瓜感覺不再邪惡，絕對推介。