隨心 (Moved) New Location

中日泰韓就食得多了，星馬菜呢排食得少啦，今次就嚟轉下口味。亞參鳳梨咕嚕肉：用菠蘿承載，用嘅當然都係新鮮菠蘿，呢一點真係好欣賞，因為我真係唔中意食罐頭菠蘿……咕嚕肉肉質鬆軟，又唔會厚粉，味道酸甜香辣，餸飯一流！新加坡炒貴刁：一上台就聞到好香，鑊氣十足，炒得乾身。配料有蝦仁，芽菜，韭菜等。其實仲好想試埋喇沙同海南雞，但我地要留肚去食甜品，所以下次會再嚟試埋嘅。餐廳地點位於海光街，成條街好多嘢食，仲有牛肉粉，拉麵啊等等。會Mark低呢條美食街，下次再嚟過。