Lao Zhang Gui Dongbei Restaurant (OP Mall)

去海之戀原本都係諗住食返平時嗰幾間，點知見到 老掌櫃東北菜館，就諗住俾次機會試吓佢😌 餐廳枱數唔少，有種親切嘅街坊餐廳感覺，啱晒一家大細或者約埋朋友去食。


🥢 京燒羊肉 $138
有趣嘅做法！外層酥炸，一咬落去非常之脆口😋 羊肉唔算肥，質地鬆軟，羊味香但唔算羶，成件事易入口又特別。

🦆 北京填鴨（半隻）$168
有驚喜嘅水準！有幾塊鴨皮係獨立上枱，脆度非常之高✨ 其餘鴨件切得薄，夾住京蔥同青瓜食，口感更爽脆同清新，不油不膩。以街坊店嚟講做到咁，真係交足功課。

唔想成日食嚟食去都嗰幾間餐廳，呢度都係一個好選擇✅ 想食返餐坐得舒適、水準又有返咁上下嘅話，呢間可以一試。