Amina Modern European (Moved) New Location

間餐廳賣1180一個頭，但係比豉油西餐出品更差，不能夠阻止自己一定要寫出感受。原先見到噤多like 實無死錯人，點知食完可以直接call 黑箱車。成千蚊個頭出啲食物咸到入左口都入唔到胃，個龍蝦湯waiter同我講係招牌湯，一飲哇究竟係海水定廁所水，唔通真係出名臭，我飲左一匙就放左係度。到食個鵝肝，唔知點解可以完全黑色，好采味道正正常常。主菜我叫左個M9和牛，我食唔出佢係M 幾定A幾，但係我落單時話要5成熟，個廚房好野出份全熟比我，係全熟我一定食得出啦，噤我同WAITER 講啦，太熟了可否換番塊5成熟比我，佢講5成係噤無得換，真係火都黎你間野唔係免費請我食架，我有比錢但係個主菜和牛硬過石頭仲要收成千銀，結果都係無得換，真真正正要我硬食，間餐廳啲人噤做野都預左我寫番出黎。各位太多好評但不要太相信，唔好浪費左個胃同節日。