今次就黎搵到磯燒水產，一入門口就見到店員努力幫客人燒緊海鮮，真係好吸引
店員向我地介紹佢地4月既推廣，720ML既清酒做緊買一送一優惠呀，呢一款好易入口仲大有果香
前菜
用多春魚同沙甸魚嘅魚肉整成醬，然後配以紅蘿蔔、青瓜、沙葛一齊食，個醬味道好濃魚香味，配返清新爽脆既蔬菜食係一個幾新鮮既配搭
我地叫左喜之次、虎蝦、白貝同帆立貝！二烹調嘅方法就有店員幫我哋推介！
我地另外仲叫左個平目魚刺身，呢款魚既魚味幾香，唔會腥，都幾滑！切得厚薄適中，可以配以醋/ 豉油食，我就覺得配醋我加入埋蘿蔔蓉同蔥比較好食，味道較豐富同幾開胃！用豉油嘅話我就覺得稍為掩蓋左魚嘅鮮味
鐵罐酒蒸白貝 - 店員即席係我哋面前烹調，用火槍燒熱鐵罐裏面嘅酒，再將白貝放入去蒸
個白貝好鮮甜，而且貝肉好飽滿，仲有少少酒香，好味
味噌虎蝦燒 - 隻虎蝦真係好大隻，店員已經細心地將佢分成一半然後加上味噌上去燒，蝦肉結實味鮮
鹽燒喜之次 - 平時食魚可能係食完其中一面就要自己反去另外一面，今次唔使啦，店員已經幫我地整好，魚肉非常嫩滑，而且冇乜骨，沾醋黎食更好味
黑松露帆立貝 - 帆立貝既鮮味配以濃香黑松露味加上甜甜地既醬油，令我愛上呢個味道
今次可以一解思鄉之情啦
