Video
Read full review
2022-08-20
204 views
燒蝦蝦入口喺後巷，經樓梯落一層到達地庫，開門見到工業風好強，四處掛滿霓虹燈牌，有啲似台灣夜市嘅食肆feel！職員帶客人坐低之後，會詳細講解枱面上唔同用具嘅用法，其中一個鐵筒入面裝滿冰，係用嚟將喺水箱夾起嘅蝦放入去凍暈再燒嚟食。同朋友首先試吓夾蝦，一夾佢哋就向前衝，好生猛！餐廳分幾個區域，海鮮同燒物選擇唔少！➺➺海鮮區：鮑魚、蠔、扇貝、花蛤、蜆、青口、蟶子、魷魚、魚等；➺➺串燒區：雞、牛、豬肉唔少得，有大大塊自己燒完自己剪，又有剪細咗串起醃過嘅，另外有多種丸類、腸仔類串燒，而蔬菜類有部份都串起方便燒烤，基本冬菇、雞髀菇、韭菜、茄子、娃娃菜、勝瓜等一應俱全；➺➺甜品區：多種口味奶凍、一口甜品、小蛋糕、泡芙、豆腐花，本地、台灣及韓國等多種口味雪條、雪糕、甜筒！➺➺飲品區：最正係有自助生啤，燒烤必飲！基本盒裝罐裝飲品，有糖無糖俱備，仲有乳酸飲品！啤酒選擇有喜力、嘉士伯、1664，仲有Somersby ！➺➺另外仲有熟食區提供粉麵、炸物小食、熟煮餸菜、湯等！自己覺得體驗幾有趣，自己夾生蝦，自己燒同用餐廳提供嘅燒烤粉、孜然粉、辣椒粉同埋其他調味料調味，自己剪鮑魚！出邊食海鮮唔平，今次可以盡情享用海
職員帶客人坐低之後，會詳細講解枱面上唔同用具嘅用法，其中一個鐵筒入面裝滿冰，係用嚟將喺水箱夾起嘅蝦放入去凍暈再燒嚟食。同朋友首先試吓夾蝦，一夾佢哋就向前衝，好生猛！
餐廳分幾個區域，海鮮同燒物選擇唔少！
➺➺海鮮區：鮑魚、蠔、扇貝、花蛤、蜆、青口、蟶子、魷魚、魚等；
➺➺串燒區：雞、牛、豬肉唔少得，有大大塊自己燒完自己剪，又有剪細咗串起醃過嘅，另外有多種丸類、腸仔類串燒，而蔬菜類有部份都串起方便燒烤，基本冬菇、雞髀菇、韭菜、茄子、娃娃菜、勝瓜等一應俱全；
➺➺甜品區：多種口味奶凍、一口甜品、小蛋糕、泡芙、豆腐花，本地、台灣及韓國等多種口味雪條、雪糕、甜筒！
➺➺飲品區：最正係有自助生啤，燒烤必飲！基本盒裝罐裝飲品，有糖無糖俱備，仲有乳酸飲品！啤酒選擇有喜力、嘉士伯、1664，仲有Somersby ！
➺➺另外仲有熟食區提供粉麵、炸物小食、熟煮餸菜、湯等！
自己覺得體驗幾有趣，自己夾生蝦，自己燒同用餐廳提供嘅燒烤粉、孜然粉、辣椒粉同埋其他調味料調味，自己剪鮑魚！出邊食海鮮唔平，今次可以盡情享用海鮮，一定要試吓新鮮蝦，勁多蝦膏，蝦肉好彈牙！加超多辣椒醬同蒜去燒蠔，好惹味！醃製咗嘅肉類燒完都好入味，仲保持到肉汁！試咗台灣入口嘅粉紅仙人掌珍珠雪條，珍珠同我哋平時食到嘅唔同，口感幾得意！Somersby嘅西瓜口味勁啱女仔飲！
正價時段收費： 成人$368
** 另設加一嘅服務收費
Post
